O professorado do CPI de Vedra na defesa do Ensino Público

O profesorado do CPI de Vedra (A Coruña) rexeita os recortes en educación que está a impoñer a Consellería de Educación da Xunta de Galicia.

A educación pública é un servizo esencial e tamén un dereito que levou moito tempo e esforzo conseguir, e que agora ESTÁ EN PERIGO.

O ensino público é a mellor inversión para garantir o benestar das xeracións futuras e unha sociedade xusta e igualitaria.

Unámonos para que as nosas fillas e fillos teñan un futuro mellor.

NON AOS RECORTES EDUCATIVOS!

UNÁMONOS NA DEFENSA DUN ENSINO PÚBLICO, GALEGO E DE CALIDADE!

Publicado en Sen clasificar | Comentarios desactivados en O professorado do CPI de Vedra na defesa do Ensino Público

‘La Voz de Galicia’ responde

Com data do passado 6 de outubro o Claustro do Professorado do IES “Terra do Xallas” de Santa Comba enviava, com “notificaçom de recepçom”, umha carta a Santiago Rey Fernández-Latorre comunicando-lhe a sua decissom de dar-se de baixa na compra de “La Voz de Galicia” “debido á parcialidade manifestada nas informacións ofrecidas relativas ás protestas do profesorado”.

Cinco dias depois, 11 de outubro, o editor e presidente do jornal corunhês assinava a “notificaçom de recepçom” que seria devolvida ao centro jalheiro.

Notificaçom de recepçom da carta enviada polo Claustro do Professorado do IES “Terra do Xallas” a Santiago Rey Fernández-Latorre, editor e presidente do jornal “La Voz de Galicia”, com o carimbo da sua fundaçom.

E com data de 20 de outubro, duas semanas depois de que o IES “Terra do Xallas” enviasse a sua carta a “La Voz de Galicia”, Rafael Sanguino Martínez, “Director de Marketing y Ventas” do jornal corunhês, dirigia-se ao Claustro do Professorado do instituto jalheiro lamentando “que o desacordo na cobertura dunha soa noticia lles faga darse de baixa do xornal”.

Resposta de Rafael Sanguino Martínez, “Director de Marketing y Ventas” de “La Voz de Galicia”, ao Claustro do Professorado do IES “Terra do Xallas”.

A Coruña, 20 de outubro de 2011

IES Terra do Xallas
Rosalía de Castro
15840 Santa Comba (A Coruña)

    Att. Claustro do Profesorado

Estimados Sres.,

Poñémonos en contacto con Vds.en resposta á carta na que nos comunican a súa decisión de comprar La Voz de Galicia.

As opinións dos nosos lectores son sempre ben recibidas e consideradas con ollo crítico, pois nos empuxan a continuar mellorando, día a día, o noso produto.

Respectamos a súa decisión, aínda que lamentamos que o desacordo na cobertura dunha soa noticia lles faga darse de baixa do xornal. Dende a nosa redacción tratamos sempre de transmitir con rigor, obxectividade e imparcialidade o que sucede en Galicia cada día.

Queremos aproveitar a ocasión para agradecerlles os anos que estiveron acompañándonos como compradores habituais do noso xornal, confiando en que poidamos retomar esa relación no futuro.

Reciban un cordial saúdo,

Rafael Sanguino Martínez
Director de Marketing y Ventas
Publicado en Sen clasificar | Comentarios desactivados en ‘La Voz de Galicia’ responde

Postura do IES Monte Castelo, Burela: peches nos centros

Comunicado enviado a AI dende o Monte Castelo, por Pedro Cabarcos:

“Dende fai semanas, 13 profesores do IES Monte Castelo quedan pechados permanentemente os luns dende a 14 h ata as 16:15 para intentar buscar a verdade informativa sobre o ensino público e elaborar documentos en cada sesión que de luz a unha información oficial que es sempre sesgada e desinformativa cara ó ensino público.
Deste xeito queremos establecer ca nosa iniciativa unha comunicación fluída co resto dos centros para enviarvos en pequenos documentos as conclusións as que imos chegando.
Enviámosvos os dous primeiros documentos, por si tes a ben facelos chegar onde creades oportuno, e invitámosvos a que de algún xeito levedes iniciativas parecidas nos vosos centros.
Lidas atentamente as información sobre AI, intentaremos participar en todas as propostas que se fan, e asistir as convocatorias que saian dende esa plataforma. En canto tomemos unha decisión vola comunicaremos.”

E velaiquí os comunicados:

COMUNICADO Nº 1
NOTA DE PRENSA
O profesorado do IES Monte Castelo de Burela que o pasado luns
realizou unha xornada continuada de 14 horas de traballo, na xuntanza
realizada entre as 14 e as 16,15 horas acordou reunirse todos os luns nesa
franxa horaria, coa fin de establecer un foro de debate sobre a situación actual
do ensino público. Nesta sesión semanal expoñerase a información recopilada
ao longo da semana, coa fin de ir elaborando documentos de traballo que
permitan unha análise rigurosa de diferentes aspectos do sistema público
de educación que os docentes reunidos consideran é preciso reivindicar e
defender (calidade, pluralismo ideolóxico, igualdade de oportunidades, escola
inclusiva…).
Os asistentes resaltaron a necesidade de continuar traballando en
defensa da calidade do ensino público, de todos e para todos, e convidan
a sumarse aos membros da comunidade educativa que queiran apoiar a
inciativa.
COMUNICADO Nº2
21-10-2011
1º DOCUMENTO DO ESTUDO SOBRE A SITUACIÓN REAL DO ENSINO PÚBLICO
NOTA DE PRENSA
Os docentes do IES Monte Castelo que se reúnen os luns entre as 14
e as 16,15 horas, na xuntanza desta semana analizaron comparativamente o
presuposto que a Consellería de Educación destina aos centros públicos e aos
privados concertados. Aínda que continúan a traballar na análise dos datos e cifras
da educación non universitaria de Galicia, a primeira conclusión que obtiveron é
que a ensinanza concertada está a recibir grandes cantidades de diñeiro a través
de subvencións adicionais, a maiores do propio concerto que teñen establecidos os
centros. A concesión destas axudas aparece en ocasións publicitada na páxina oficial
da Consellería de Educación, sen especificar que os destinatarios das mesmas son
centros privados concertados.
Como exemplo destas concesións, no DOG do pasado 7 de setembro
publicouse a orde pola que se resolve a convocatoria de axudas a centros privados
concertados para a atención ao alumnado con necesidades educativas de apoio
específico. Estas subvencións, que ascenden a case 220.000 €, ábrenlle a
posibilidade aos centros beneficiarios de facer pequenas obras de adaptación, mercar
material específico ordinario e contratar persoal complementario, posibilidade que
non teñen os centros públicos, nin sequera os de Educación Especial. A noticia
relacionada con esta resolución que aparece na páxina da Consellería con data de
19 de setembro di literalmente que “a Consellería de Educación inviste case 270.000
euros para a atención á diversidade nos centros educativos. Os colexios e institutos
galegos benefícianse de axudas para a compra de material para atender ao alumnado
con necesidades específicas de apoio educativo”.
Cómpre destacar que a case totalidade dos centros de educación infantil,
primaria e secundaria beneficiarios da axuda son centros de ideario relixioso católico.
A idea central da reunión de cada luns pode lerse ao longo da semana en diferentes
carteis colocados polos pasillos do IES. A desta semana, “Son públic@, pero non me
vendo”, únese á da semana pasada, “Escola pública, de tod@s e para tod@s”.
Publicado en Sen clasificar | Comentarios desactivados en Postura do IES Monte Castelo, Burela: peches nos centros

AI no manifestación do 15 de outubro en Compostela

…pois iso, que alí estivemos, xunto a miles de persoas que tamén están indignadas (17000, segundo a organización), porque como dicía Lois Pereiro, cada un de nós tén motivos para estalo.

Aquí vos deixamos un vídeo da mani, extraído da páxina Demcracia Real Xa:

Publicado en Sen clasificar | Comentarios desactivados en AI no manifestación do 15 de outubro en Compostela

Convocatoria asemblea 18 outubro na Illa de Arousa

Tal e como acordaramos na asemblea anterior e informamos no blog e facebook, convócase a unha ASEMBLEA DE AULAS INDIGNADAS o 18 de outubro, martes, ás 18.15h, na Biblioteca do Instituto da ILLA DE AROUSA, que amablemente nos ceden dende o centro. O motivo de elixir esta ubicación para a asemblea é a vontade de apoiar as reivindicacións que a comunidade educativa da Illa está a realizar, un modelo exemplar de pedagoxía educativa.

Na devandita asemblea tratarase:
  1. Revisión do movemento AI e viabilidade da súa expansión
  2. Organización da Grande Acción eduCativa, 11/11/11

Lembrade que aquel@s que poidades colaborar máis activamente (axudando a organizar a Grande Acción eduCativa, por exemplo -fan falta mans!!-), tedes un formulario no que anotarvos. Veña, xuntemos forzas!!!

Formulario

Publicado en Sen clasificar | Comentarios desactivados en Convocatoria asemblea 18 outubro na Illa de Arousa

Claustro no IES Antón Fraguas e modelo de escritos á Consellería

Envíannos dede o IES Antón Fraguas o seguinte:

“A semana pasada convocouse no meu centro (IES Antón Fraguas de Santiago D.C.),co gallo da asemblea expansiva, unha xuntanza para falar da situación do propio centroe dos recortes executados pola Consellería de educación. A maiores tamén se pasouinformación sobre Aulas Indignadas, accións realizadas en outros centros e púxoseno taboleiro de anuncios os escritos oficiais e cartas que están colgados no blog e nofacebook de A.I.!!!
Ao ser a reunión nun recreo non había moita asistencia, seríamos un total de 15persoas (o claustro é de 60), curiosamente o mesmo número de asistentes ás últimasmanifestacións. A maiores tamén se informou que se ía solicitar un claustro pararatificar un documento no que se expoñan as necesidades do centro e se presente enrexistro se hai maioría. Como o tempo foi moi xusto non deu tempo a falar máis, oque si que quero puntualizar é, que varias persoas mostraron interese en participaractivamente de accións reivindicativas.
Ese mesmo día falei coa Dirección do centro para solicitarlle un claustro extraordinariocos motivos anteriormente citados e puxo todo tipo de facilidades. Incluso propuxofacelo no claustro do luns seguinte, co conseguinte aforro de facer un claustroextraodinario (para o que deberíamos xuntar a petición por escrito dun terzo doclaustro). Así pois, ao luns seguinte, na rolda de peticións do claustro expuxen o textoque adxunto para asinar con un resultado case unánime (maioría absoluta: agás dúasabstencións).
Así pois, tanto a asemblea expansiva como o claustro posterior e ratificación dodocumento foi todo un éxito!!!
Sr. Conselleiro de Educación e O.U.:
O Claustro do profesorado do IES Antón Fraguas de Santiago de Compostela, acordadirixirse a vostede para expresar o malestar que sente no inicio deste curso ante asmedidas que a súa Consellaría vén de tomar en relación ao noso traballo.
Na tarde de hoxe, luns 10 de outubro de 2011, celébrase un Claustro no que se solicita,en rogos e preguntas, unha votación para ratificar unha avaliación de diagnóstico dasituación actual do noso Centro e propor asinala por toda a Comunidade educativa queo considere oportuno. Así pois, quedará a disposición de quen o desexe unha folla nasala do profesorado para asinar, e presentarase á ANPA e ao Consello escolar por seconsideran oportuno apoiar a proposta.
Esta avaliación ten como obxectivo elaborar un documento marco de toda Galicia, afin de entregalo conxuntamente na Consellería de Educación, facendo clara e visible asituación real de cada centro.
No noso centro, a situación actual neste Curso académico é a seguinte:
.- Temos un Grupo máis, e o mesmo número de profesorado para cubrir as súas
necesidades educativas.
.- Acadamos cubrir os mínimos da atención á diversidade a costa de engadirunha garda máis ás xefaturas de departamento.
.- As gardas de todo o profesorado víronse incrementadas coas de entrada e saídade autobuses, coa conseguinte diminución do número de profesores/as por gardadebido á súa distribución.
.- Solicitouse expresamente profesorado de Bioloxía e a praza foi cuberta conprofesorado de Física.
.- Hai máis alumnado no Centro e un subalterno menos. Hai tres subalternosdestinados no centro en comisión de servizo e na actualidade soamente hai dúaspersoas cubrindo esas prazas. Debemos reflectir tamén que as característicasarquitectónicas do centro, distribuído en varios edificios, dificulta aínda máis astarefas destes profesionais.
.- Na actualidade hai obras moi importantes sen realizar no centro por falta defondos (arranxo da calefacción, apertura de porta no patio para o acceso aopolideportivo…)
.- Despois de moitos anos de peticións continuadas dun salón de actos seguimossen resposta. A necesidade acuciante deste espazo educativo é maior a día dehoxe, tendo en conta que existe no centro un Bacharelato artístico que demandao seu uso por cuestións lóxicas.
Por todo o anterior, este claustro solicita da súa Consellería que:
Se teña en conta todo o exposto anteriormente e poña freo aos drásticosrecortes aplicados no Ensino público. É a nosa obriga moral e un acto deresponsabilidade e compromiso co ensino público que defendemos, facerllechegar esta realidade así como tamén lla faremos chegar ás nais e aos pais donoso alumnado.
Asdo.: MAIORÍA ABSOLUTA (Todo o claustro a favor agás dúas abstencións)

Publicado en Sen clasificar | Comentarios desactivados en Claustro no IES Antón Fraguas e modelo de escritos á Consellería

‘Ai!’ no programa ‘A Tarde’ da Rádio Galega

No passado 5 de outubro (quarta-feira) o músico (e professor de música) Manolo Maseda aproveitou a sua presença no programa A Tarde da Rádio Galega para promocionar as Aulas indignadas! (Ai!):

http://www.crtvg.es/rg/a-carta/a-tarde-a-tarde-do-dia-05-10-2011-139862
A Tarde 5/10/2011 16:05 [30:33 – 33:20]
Publicado en Sen clasificar | Comentarios desactivados en ‘Ai!’ no programa ‘A Tarde’ da Rádio Galega

Colesterol cultural

Correo recibido dunha compañeira:

“Traballo nun instituto público impartindo Tecnoloxía: esa materia que en Europa é unha filla aplicada que recibe bolsas nos estudos e aquí é a filla pouco querida dunha parella separada que a utiliza como arma para ferir ó adversario. Agora que papá non mirou para ti, púxente guapísima e vas conquistar á sociedade co teu currículo cheo de temas transversais e procedimentos e actitudes. Pois agora que se foi mamá quítoche dúas horas de presencia semanal e un nivel, ou pensabas que eras tan importante? Déixate volver que che dou tantas competencias que has valer para todo (pero non che dou máis cartos nin máis horas, tampouco está o forno para bolos); xa regresaches de xunto a díscola e roxa de túa nai? a partir de agora falas castelán e compórtaste coma unha señorita.

E nesas estamos: un ano temos que avaliar a actitude do alumnado de cara a “valorar e respectar os aspectos básicos da cultura e a historia propia (…) desenvolvendo actitudes de interese e respecto cara ao exercicio deste dereito e (…) coñecer e valorar a importancia do uso do noso idioma como elemento fundamental para o mantemento da nosa identidade (art.4 do Dec 133/07), e mesmo promover “o uso da lingua galega nun contexto tecnolóxico (léxico específico)” para así facilitar ” a normalización no ámbito profesional” e contribuír a “crear un espazo tecnolóxico lingüístico propio cuxa existencia, senón imprescindible é, cando menos, necesaria para o desenvolvemento tecnolóxico da comunidade autónoma”…

… e ó ano seguinte temos a imposición de impartir esta materia en castelán. E  así contribuímos solapadamente a sementar a o prexuízo de que a Ciencia e a Tecnoloxía, para seren progreso, han de facerse en inglés.

A Administración non a respecta. O alumnado tampouco. A Tecnoloxía está triste, que tén a Tecnoloxía…

O outro día comezou unha clase de 4º da ESO como tantas outras, dispostos a corrixir uns exercicios sobre as características da corrente alterna e os modos de xeración de enerxía eléctrica. E unha cousa levou á outra.

Yo corrijo el ejercicio, pero lo hago en castellano. Porque queremos tener la libertad de elegir el idioma en el que nos expresamos. Porque no nos engañemos, si el gallego se pierde es porque no quiere hablarlo nadie. No nos interesa música y cine en el que se use gallego porque no es cine ni música interesante, en general. En Galicia no se hace cultura interesante, por eso no se la compra. Si algo no se compra es porque no es interesante. En España tampoco se hace cine interesante, y si eso es porque no hay dinero, los mayores tenéis que pensároslo: por qué no teneis tanto dinero como EEUU? en algún momento habrá habido igualdad Galicia-España, o España-EEUU, y sin embargo mirad dónde está hoy cada nación. Un país con dinero es próspero, y el dinero se gana cómo se gana. Un banco que gana menos dinero que otro es que gestiona mal su capital: no es lógico reparar en qué invierte sus recursos, sinó en cuánto beneficio genera. Está muy bien que haya educación pública, pero los que sois profesores sabeis que las plazas se ganan pagando un enchufe. No nos queráis engañar: estamos mucho mejor que hace treinta años, o es que queréis volver al comunismo y que todo sea de todos? Si la sanidad y la educación se privatizan, entonces se fomentará que la gente espabile y luche por generar riqueza y poseerla. Así todos estaremos mejor.

Fíxenlles unha pregunta: se con oito anos vos deixaran comer pizza todos os días, comeríades verdura, carne, peixe?

Pois por iso fai falla unha educación pública, meus e miñas: para que teñamos unha mente sana e unha conciencia depurada, sen demasiados depósitos de colesterol cultural.”

Publicado en Sen clasificar | Comentarios desactivados en Colesterol cultural

“Aulas Indignadas” à rua no 15-O

Depois de amanhã, sábado, 15 de outubro, de “Aulas indignadas” participaremos com faixa própria na manifestaçom que sairá às 18h00 da Alameda de Compostela.

Se és profe e estás indignad@: une-te, nom nos mires! 😉

Publicado en Sen clasificar | Comentarios desactivados en “Aulas Indignadas” à rua no 15-O

Cadeia humana une a Arouça com o continente na defesa do Ensino Público

[Foto: Iñaki Abella / Faro de Vigo].

Organizan unha cadea humana ao longo da ponte da Illa para reclamar melloras no instituto (Diario de Pontevedra, 12/10/2011)

Multitudinaria cadea humana na Illa para reclamar melloras educativas no instituto (Faro de Vigo, 13 de outubro de 2011)

Cadena humana en A Illa contra las deficiencias del instituto (El País, 13/10/2011)

Publicado en Sen clasificar | Comentarios desactivados en Cadeia humana une a Arouça com o continente na defesa do Ensino Público